تعالو شوفو موقفي انا وبنت خالتي

السلام عليكم ورحمة الله وبركاته

الله يسعد صبــآح \ مســاء
اللي شرف موضوعي بحضورهـ


اليوم بسدح لكم موقف يفطس من الضحك
صـارلي انا وبنت خالتي .. تنآهيد الجروح


اخليكم تعيشون الموقف معنــا


...

يوم من الايام كنا رايحين للاستراحه
وانا يجيني انهيــار عصبي اذا رحت الاستراحه وماتسبحت
المهم وحنا في الاستراحه اسأل البزارين وين المسبح
قالوا عند قسم الرجال
قلت لالالالالالالالالالالالال ا تحطيم
والله واقعد ونفسيتي في خشمي واللي بيكلمني يتشهد على عمرهـ
<< لا تلومنها تحب المسبح
شوي ويجي واحد من البزارين ويقول ترى قسم الرجال فاضي كلهم طلعوا
واستـــانس والارض مش سيعاني
واطمر ذيك الطمرهـ واجمع البنات << ناويه تفلها
ونــركض للمسبح
يوم وصلنا الا ونلقى المسبح مقفل عليه
ونقعد متنحين من الصدمه
واجي انا زعيمه العصابه والقي عليهم ذيك الكلمه الحماسيه
واقول : يامعشر البنات ياللي تبون تتسبحون ولقيتوا المسبح مقفل عليه من قبل اعدائنا الشباب الذينا لا يريدون ان نستانس ونفلها هيــا بنا لنطمر الاسوار ونحقق الاحلام في السباحه

وتتعالى اصوات البنات ويبدون بالصراخ
يعيش العدل
ونروح نركض واجي انا زعيمه العصابه واجمع المراكي واصفها عند الشبك
ثم اتي بسيقاني الطويلتان واتعلق في الشبك كـني قرد
واطمر الى المسبح واراهـ يتلالا تحت انوار اللمبات <<
ثم تأتي نائبتي اللي تصير بنت خالتي (تناهيد الجروح) وتتطمر معي يوم جت تتطمر بنت خالتي الثاالثه الا وينفتح باب الشارع
(طبعا البنات اول ماانفتح الباب كلهم انحاشوا هذا وانا توني ملقيه عليهم كلمه )
ويدخلون الشباب دفعتن واحدهـ << ونتشهد على اعمارنا
والله وامسك بنت خالتي واحطها قدامي عشان تغطي علي << نفسي نفسي هههههههههه
وتقعد من الصدمه تصاارخ ههههههههه
ويجي واحد من الرجال ويسوي فيها شهم ويفصخ الشماغ << يحسب احد غرقان هههه
توهـ بينطلق للمسبح وتجي يد من الخلف وتمسكه
ويلتفت الا يشوف ذا الفيس قدامه
ويقوله اطلع الله يصلحك هذولا البنات
والله ويطلعهم خالي ويتجه لنا وانا وبنت خالتي قمنا نرقص من الخوف
جاء وقال اطلعوا اطلعوا قلنا والله توبه ماعاد نتعودها << بريئات
والله ونطلع ونتجه لقسمنا ونلقى البنات متسدحات من الضحك علينا





في الحلقه القادمه

محبوسين في تريــلا (شاحنه للاجانب )
ترقبوا الجديد

اسعدني مرورك يالغلا في صفحتي
اي موقف خطير بس مرت على خير اشوى

هههاااي وش هالحظ

بس الحمدلله مرت على خير

اي الحمدالله
واشوى انو امي مو عارفه