يابدويه مو كذا رد الجميل

بسم الله الرحمن الرحيم

السلام عليكم ورحمة الله وبركاته

قصيدة أعجبتني للشاعر : ثامر شبيب

أترككم معها

***

ماعرفتك !! والعذر أقبح من ذنوب الخطيّه

حتى شكلك صدقيني إن قلت لك : بعضه نسيته

أذكر عيونك حورها من الخجل زايد شويّه

بس هذا أذكره وغيره من الذكرى محيته

لابعد أذكر .. شعرك اللي يحب لعبة يديّه

سالفه شعرك لحاله لو أبشرح ماوفيته

وأذكر إن فمك حضن جمرن ٍ حمر فوق ابرديّه

لاابتسم لي رحت له كلي من اللهفه وجيته

وأذكر إن غمازة أخدودك عذاب ومهمهيّه

وردتني للطريق اللي ابتدى يوم انتهيته

وأذكر إن طعونك اللي بالظهر كانت قويّه

إيه أعرفك بس أخاف الجرح يكبر لا طريته

أنتي كنتي شي ثاني .. كنتي شي مني وفيّه

أقرب إنسانه لقلبي حطمت قلبي في بيته

تذكرين .. الورد الأحمر يوم جبتي لي هديّه

قلتي : تكفا لايموت الورد لك غالي شريته

مات قلبي قبل يموت الورد وجروحه نديّه

في يديني جبت دم القلب للورد وسقيته

كنت أحسب إني أضحي .. مادريت إني ضحيّه

كنت أحسب إن العطا يثمر بعين اللي عطيته

راحت أحلام العمر .. روحه كذا من غير جيّه

حتى زرعي اللي زرعته .. ماتوفقت وجنيته

من عقب ماكان ليّه .. صار له ماهو بليّه

من خذاه !! وقلبي يسئل عنه لكن مالقيته

دايم أسمع عن خوي ٍ خان في خوة خويّه

موقف ٍ يمكن كتبته بالشعر قبل وقريته

المهم .. ماكنت أحسه لين ماجتني بليّه

من يديك وحسستني وخاب كل اللي هقيته

يابدويّه مو كذا رد الجمايل يابدويّه

البداوه علمتني كيف أرد اللي خذيته

في الزمن هذا .. محال الوافي يلقى له وفيّه

الزمن هذا خذلني في محبتك وبكيته

كنت أقول : الطيّبه أحسن من علوم الرديّه

كنت أقول وكنت أقول ولانفعني ماحكيته

مابقا عندي كلام ولا بقا بصدري بقيّه

من تفارقنا بصدري هالعتاب ولاشكيته

هذا كله اللي عليك .. وقولي أنتي ماعليّه

بسمعك للصبح يمكن منك أسمع مابغيته

أما شكلك أعرفه عرف الموصى للوصيّه

قلت : ماعرفه .. وفي قلبي أقول إني فديته

إيه أعرفك والعذر أقبح من ذنوب الخطيّه

أنتي شكلك صدقيني راح أموت ولانسيته

***

رووووعة يالغلا
مشكووورة وااايد
لاعدمنـــاك
يابدويه مو كذا رد الجميل 106829

[ندعوك للتسجيل في المنتدى أو التعريف بنفسك لمعاينة هذا الرابط]

وأإأإأإأإأإأإأإأوز

كلمـــــــات روًوًوًعــــه
مــأإأننـحرم مـن هيــك موأإأإزيــع قميلآلآ

يسلموتــأإأ ياعسسسسسسسل

تسلمين انتي الروعه يالغلا