تسريحــات حلوة للبنات

مرحبا بنوتــــــــات . . . عساكم زين ؟؟

جبتلكم تسريحات حلوة و بسيطة للبنوتات مع طرق العمل

نبدا بـ التسريـ ح ـة الأولى

][ . . . شبكة الـشـ ع ـر . . . ][

الشكل النهائي لها
تسريحــات حلوة للبنات 6932

يللا نبدا الشغل . . .
تسريحــات حلوة للبنات 6934

ابدئي بالشعر وهو مبلل لان تقسيمه راح يكون اسهل، ومشطيه للخلف
تسريحــات حلوة للبنات 6935

والان على حسب سمك الشعر
اذا كانت بنتك شعرها خفيف زي البنت اللي في الصورة
ابدئي بالتقسيم على شكل مستطيل

اما اذا - ما شاء الله - شعرها كثيف، اعمليها مربعات

تسريحــات حلوة للبنات 6936

وامسك الجزء اللي قسمتيه، واربطيه بمطاط

كملي التقسيمات الى ان تخلصي كل الشعر اللي في الامام، في الصورة طلع معاها 6 اقسام ممكن تنتهي التسريحة هنا، وممكن نكمل للي بعده

تسريحــات حلوة للبنات 6938

هذا المنظر من فوق

تسريحــات حلوة للبنات 6939

الان راح نبدا نقسم كل ذل حصان الى النص
ونجمع كل اثنين متجاوريين زي الصور

تسريحــات حلوة للبنات 6940

النتيجة من بعد ما جمعنا الاجزاء المقسمة

تسريحــات حلوة للبنات 6941

عشان نعمل الجطوة اللي بعدها، لازم نبعد الجزء اللي عملناه عن الطريق
بس وديه على قدام وابعده عن مكان العمل <<< كأننا نبني عمارة ههههه

والان بناء على التقسيم الاولى، راح نقسم الشعر مرة ثانية
بنفس حجم المربعات - المستطيلات اللي في الصف الاول

الان الخطوة هذه يمكن شوي يبغالها صبر
راح تمسكي الجزء اللي قسمتيه جديد
وتقسمي الاجزاء السابقة الى النصفين

يعني كل ذيل حصان نتج من الخطوات السابقة ، راح نرجع نقسمه الى اثنين
ونمسك الجزئين المتجاورين ونجمعهم مع الجزء الاخير الجديد

تسريحــات حلوة للبنات 6944

زي الصورة هذه
بعد ما تقسمي الاجزاء اللي مربوطة، امسكي جزئين متجاورين
واجمعيهم مع الجزء الجديد

تسريحــات حلوة للبنات 6945

بدينا من المنتصف، لانه راح يسهل عليك تنزلي من جهة اليمين واليسار

تسريحــات حلوة للبنات 6932

ونحصل على التسريحة هذه

. . . .. : Be continued : .. . . .

التســريــ ح ــة الثانـ ي ـة

>< : الشكل اللولبي : ><

الشكل النهائي

تسريحــات حلوة للبنات 6947

البداية..

راح نبدأ بالشعر وهو مبلل، بس مو كثير، يعني قولي الشعر ندي

تسريحــات حلوة للبنات 6949

الان راح نقسم الشعر في نص الراس، ونحصل على مربع
وهذا الجزء راح نرجع نقسمه الى جزئين
نمسك اليمين ونلفه ( عكس عقارب الساعة)
واليسار ( مع عقارب الساعة)

هذه الخطوة يمكن تدوخك شوية ، بس النتيجة تستحق!!

تسريحــات حلوة للبنات 6950

شديها وتأكدي انها مشدودة كويس
( ما ادري بس احس لما البنت تفك شعرها راح يعورها ههههه من كثر الشد )

نربطهم على بعض، ونحصل على النتيجة هذه

تسريحــات حلوة للبنات 6952

وهذه لحالها تسريحة حلوة ومرة كيوت
اضيفي عليها ***سات ويا سلام مرة حلوة

تسريحــات حلوة للبنات 6953

بس اذا تبغي شكله يطلع احلى من كدا
في خطوة كمان ممكن نعملها

تسريحــات حلوة للبنات 6954

لفي الشعر بقطعة قماش!!!
اول شي بللي الشعر جدا جدا
وجزئيه ، وكل جزء لفيه على فوق واربطيه بقطعة القماش
هذه راح تكون لطيفة على فروة رأسها وما راح تزعجها
ممكن حتى تنام فيها من اليوم اللي قبله

( اذا كنتي ناوية تتعبي نفسك زي كدا، سويها في مناسبة تستحق، مثلا في العيد ولا في عزيمة راح تطلع لطيفة جدا !!)

تسريحــات حلوة للبنات 6955

ونحصل على النتيجة هذه
يختي عليها!

. . . .. : Be continued : .. . .

التسريحة الثــــالثة

*** ظفـ ي ـرة فرنـسـ ي ــة مـــــــــ ع الــشرايطـــ ***
البداية..

لازم نتعلم كيف نعمل الظفيرة الفرنسية عشان نقدر نعمل التسريحة هذه
طبعا لازم تتدربي على عمل ظفيرة واحدة الاول
لما تتقنيها تقدري تعملي بعدها 2-3-4 ما في مشاكل

انا كنت دايما اعمل لاخواتي الظفيرة هذه
ماما علمتني طريقة، بس انا اعمل زي الصور هذه

امي تعمل الظفيرة بالعكس ، يعني بدل ما تصير الظفيرة بارزة كدا
تبان كأنها داخلة على جوه، السر هو في مسكة اليد
انا اظفر على برا، وهي على جوا

نتابع بالصور

بسم الله الرحمن الرحيم
لا تخافي من التسريحة هذه ، اذا عرفتي للظفيرة صارت التسريحة سهلة جدا!!

تسريحــات حلوة للبنات 6972

نختار نقطة البداية، زي ما اتفقنا اذا كان شعر بنتك كثيف ابدأي بمربع
اما اذا كان خفيف ، فخليها مستطيل احسن

تسريحــات حلوة للبنات 6973

طبعا زي كل الظفاير نبدأ بـ 3 اجزاء

تسريحــات حلوة للبنات 6974

البداية زي اي ظفيرة لما تبدأي تخلي الاجزاء الثلاثة تتداخل
بس عشان تبدأي الظفيرة، لا تعملي اكثر من تداخل واحد

تسريحــات حلوة للبنات 6975

نتوقف عند النقطة هذه ، وزي ما نلاحظ توقفنا في الطرف اليمين
راح نبدأ نزيد شعر الظفيرة من الجهة هذه

تسريحــات حلوة للبنات 6976

بالمشط خذي جزء من الشعر في الجهة اليمنى
واضيفيه على الجزء من الظفيرة اللي جالسين نشتغل فيها
لازم تتاكدي ان الجزئين الاخرين ممسوكين كويس
عشان ما تنفك عليك الشغلة كلها

تسريحــات حلوة للبنات 6977

بعد ما تدخلي الجزء الجديد، ارجعي وكأنك راح تظفري ظفيرة عادية
مع الاضافة الجديدة

تسريحــات حلوة للبنات 6978

واللي راح يخلي الظفيرة تبان على برا
انها بـ تثني الشعر لـ تحت
لو تدخلي الشعر من فوق ... راح تبان الظفيرة معكوسة

جربيها!!! وراح تفهمي قصدي...

بس الطريقة هذه احلى، عشان لما تضيفي الشريطة في الاخر

تسريحــات حلوة للبنات 6979

في هذه الصورة، نقدري نشوف الجزء المضاف
اللي هو بين الابهام والسبابة لليد اليسرى
كيف انها دخلت الى الظفيرة بشكل مرتب واضيف الى كمية الشعر بدون اي عناء

تسريحــات حلوة للبنات 6980

وزي ما قلنا، كل مرة نضيف الشعر، من اليمين واليسار
بشكل متساوي

لاحظي كيف اخذت جزء من اليسار الان واضافته الى الظفيرة

تسريحــات حلوة للبنات 6982

تذكري تدخلي الشعر من تحت والظفيرة تكون على تحت
عشان تبرز لفوق

وتكرري الى ان تنتهي من الشعر
لاحظي كيف بدت الظفيرة تظهر

تسريحــات حلوة للبنات 6984

هنا وقفتها في النص، وبطلت تضيف الشعر
وصارت الظفيرة الى النص

وبكذا عرفنا نعمل الظفيرة الفرنسية

الان بعد ما تكوني ادربتي عليها
تقدري تعملي اثنين

تقسمي الشعر من النص
وتعملي ظفيرة لكل جهة
تحصلي على ظفيرتين

تسريحــات حلوة للبنات 6988

جيبي ابرة تكون فتحتها كبيرة مررررررة
بحيث نقدر نخل الشريطة من خلالها
تعرفوا الابر البلاستك؟ اللي تنباع مع العاب الاطفال
اعتقد انها احسن من هذه الابرة الحقيقة

ما تدري بنتك ممكن تتحرك فجأة وانتي في يدك ابره حديد
لا قدر الله تدخل فيها وفي حاجة
ولو مو فيها فيك انتي

فلو تحصلي الابر البلاستك، راح تكون أأمن

تسريحــات حلوة للبنات 6989

نبدأ من فوق، كأننا راح نعمل شبكة

او زي حبل الجزم الرياضية - اكرمكم الله -

تسريحــات حلوة للبنات 6990

تأكدي انك عارفة النص، وان الجزئين متساويين

تسريحــات حلوة للبنات 6991

ونشتغل من فوق لتحت
يمين لـ يسار

تسريحــات حلوة للبنات 6992

خلصنا جهة وحدة في الاول

تسريحــات حلوة للبنات 6993

نعمل الجهة التانية اللي تتقاطع مع الاولى

تسريحــات حلوة للبنات 6994

نربط النهايات مع بعض في فيونكة حلوة

انتهينا!!

تسريحــات حلوة للبنات 6996

ما شا الله لزوز!!!!

ايش رايكم؟
انا عن نفسي احسها مرة سهلة يمكن لاني اعرف اعمل الظفيرة هذه
والفكرة تكمن في الشرايط وبس

. . . .. : Be continued : .. . . .